Ikipe ya Real Madrid yasezereye Manchester City mu mikino ya 1/8 cya UEFA Champions League, nyuma yo kuyitsinda ibitego 2-1 mu mukino wo kwishyura wabereye kuri Etihad Stadium.
Uyu mukino warutegerejwe cyane, warangiye Real Madrid yitwaye neza, ibifashijwemo na Vinicius Junior wayitsindiye ibitego byombi, mu gihe igitego rukumbi cya Manchester City cyatsinzwe na Erling Haaland.
Mu mukino ubanza wari wwabereye muri Esipanye, Real Madrid yari yatsinze ibitego 3-0 ibifashijwemo na Federico Valverde, bituma igiteranyo cy’imikino yombi kiba 5-1, ihita ikomeza mu cyiciro gikurikiraho.
Muyindi mikino Paris Saint-Germain yasezereye Chelsea iyitsinze ibitego 3-0 kuri Stamford Bridge, byiyongera kuri 5-2 byavuye mu mukino ubanza, igiteranyo kiba 8-2. Ibi bituma PSG ikomeza, mu kiciro gikurikiyeho ikazahura n’izava hagati ya Liverpool na Galatasaray.
Ku rundi ruhande, Arsenal na yo yakatishije itike ya ¼ nyuma yo gutsinda Bayer Leverkusen ibitego 2-0 mu mukino wabereye kuri Emirates Stadium. Ibitego byatsinzwe na Eberechi Eze na Declan Rice, bituma igiteranyo kiba 3-1. Arsenal izahura na Sporting CP, yasezereye Bodo/Glimt nyuma yo kuyinyagira ibitego 5-0 mu mukino wo kwishyura, ihita iyisezerera ku giteranyo cy’ibitego 5-3.
Indi mikino isoza 1/8 izakinwa kuri uyu wa gatatu taliki 18 Werurwe 2026, ari nabwo hazamenyekana amakipe yose azakina ¼ cya Champions League. Aya marushanwa azasozwa n’umukino wa nyuma uzabera kuri Puskas Arena i Budapest muri Hungary ku wa 30 Gicurasi 2026.
NIYOMWUNGERI Obed/TheKaminuzaStar